Erling Haaland ‘Qorshe Qarsoon’ Ka Wada Manchester City oo Horseedi Kara Is Bedel Taariikhi ah.
Weeraryahanka reer Norway Erling Haaland ayaa lagu soo waramayaa inuu ku dhow yahay saxiixa qandaraas cusub oo uu kula sii joogayo Manchester City, balse heshiiskan cusub waxa la sheegay inuu ku jiro “qorshe qarsoon” oo laga yaabo inuu horseedo isbedel weyn oo taariikhi ah.
Tan iyo markii uu City ku soo biiray 2022, Haaland ayaa ismuujiyay inuu yahay mid ka mid ah weeraryahanada ugu wanaagsan dunida, isagoo dhaliyay 17 gool 20 kulan oo uu ciyaaray xilli ciyaareedkan kahor kulanka Crystal Palace ee Sabtida.
Xiddigan 24-jirka ah ayaa qandaraas kula jira kooxda ilaa 2027, hase yeeshee wararka ka imaanaya Spain ayaa sheegaya in wadaxaajoodka qandaraaskiisa cusub lagu darayo shardi uu isagu ku adkaysanayo oo noqon kara isbeddel weyn.
Kooxo ay ka mid yihiin Real Madrid, Barcelona, Bayern Munich, iyo Paris Saint-Germain ayaa lagu tilmaamay kuwa u diyaarsan inay ka faa’iidaystaan qodobkan haddii uu dhaqan galo.
Warbixintu waxay sheegtay, “Ku dhex darida shardi qarsoon heshiiska waxay muujinaysaa xeeladda Haaland iyo wakiilladiisa, taas oo abuureysa xiiso cusub. Inkastoo uu haatan sii wadan doono xirashada funaanadda Manchester City, shardi kan oo kale ah wuxuu noqon karaa mid horseeda mid ka mid ah dhaq-dhaqaaqyada ugu hadal heynta badan taariikhda kubadda cagta.
