Falanqeynta Kulanka RB Leipzig vs Man United, Reds oo marti ku ah Germany

Photo/leaguelane

Kooxaha Manchester United iyo RB Leipzig ayaa kulan adag caawa ku kulmaya wareega ugu dambeeya ee heerka Groupyada iyadoo ay labada dhinacba doonayaan inay u gudbaan wareega 16-ka isla markaana midkasta fursadaas haysato.

Man United ayaa dhibco la wadaagta Leipzig iyo Paris Saint-Germain oo ay min 9 dhibcood leeyihiin waxaana ay kaliya u baahan yihiin inay guuldarro ka fogaadaan si ay wareega xiga ugu gudbaan.

RB Leipzig ayaa xilli ciyaareedkii hore si cajiib ah u gaadhay wareega afar dhammaadka ee tartanka balse kooxda ayaa ah mid aan khibrad weyn u lahayn heerkan oo kale maadaama oo ay tahayba sanadkii saddexaad ee ay Group-yada CL ciyaarayaan.

Wararka Labada Kooxood Ee Kulanka Kahor

RB Leipzig ayay markale safkeeda ka maqnaan doonaan Lukas Klostermann, Fabrice Hartmann, Konrad Laimer, Benjamin Henrichs iyo Hwang Hee-chan.

Shaxda kooxa martida loo yahay ayaan ayaan la filayn inay isbedelo badan yeelan doonto waxaana kusoo bilaaban doona Dani Olmo, Emil Forsberg iyo Yussuf Poulsen.

Dhinaca Man United ma noqon doonto lama filaan in Axel Tuanzebe uu kusoo bilawdo oo uu shax saddex daafac dhexe ah lamaane kula noqdo Harry Maguire iyo Victor Lindelof.

Edinson Cavani iyo Anthony Martial ayaa gabi ahaanba kulankan ku seegaya sababo dhaawac sida uu Solskjaer xaqiijiyay halka Fred uu ganaax ku maqnaan doono.

David De Gea oo dhaawac ku maqnaa kulankii West Ham United ayay u badantahay inuu soo laaban doono, safka weerarka ayay ku midaysnaan doonaan Marcus Rashford iyo Mason Greenwood.

Shaxda Macquulka Ah Ee Labada Kooxood

RB Leipzig; Gulacsi; Mukiele, Konate, Upamecano, Angelino; Sabitzer, Kampl; Haidara, Forsberg, Olmo; Poulsen

Manchester United: De Gea; Lindelof, Maguire, Tuanzebe; Wan-Bissaka, McTominay, Pogba, Telles; Fernandes; Greenwood, Rashford

XOGTA KULANKA

Tartanka; Champions League

Garoonka; Red Bull Arena

Wakhtiga: 11:00 habeenimo xilliga Geeska Africa

Ciyaaro kala Soco Wararka Ciyaaraha

Ciyaaro.com Warar Kooban oo Xiiso leh

Be the first to comment

Leave a Reply

Your email address will not be published.


*