Flop-kii hore ee Manchester United Memphis Depay ayaa qarka u saaran inuu u saxiixo kooxda reer Brazil ee Corinthians, taasoo laga yaabo inuu soo afjaro waayihiisa Yurub.
Depay ayaa dalbanayay waqtigiisa marka ay timaado inuu doorto kooxdiisa soo socota xagaagan.
30-sano jirkaan ayaa bishii June ka tagay kooxda reer Spain ee Atletico Madrid si xor ah , waxa uu haatan aadi doonaa Brazil si uu ugu biiro kooxda Corinthians, isagoo horey tijaabada caafimaadka ugu maray dalkiisa hooyo.
Sida aan dhawaan ku aragnay Steven Bergwijn, u dhaqaaqista Depay ee Brazil ayaa laga yaabaa inay soo afjarto waqtigiisii uu ka ciyaarayay xulka qaranka Netherlands ee Ronald Koeman.
Tababaraha ayaa ka mamnuucay ciyaaryahankii hore ee Ajax inuu u dhaqaaqo Boqortooyada Sacuudi Carabiya maadaama uu u arkay in horyaalka uusan aheyn mid lagu tartami karo.
Depay, oo laba sano oo niyad jab ah ku qaatay Manchester United intii u dhaxaysay 2015 iyo 2017, ayaa u dhaliyay Atletico Madrid 13 gool 40 kulan oo uu u saftay.
Waxa uu si joogta ah uga mid ahaa xulka Netherlands, oo ay ku jiraan ololihii dhawaa ee Euro 2024.
Depay ayaa kooxda Corinthians u saxiixaya heshiis dhacaya 2026, waxaana la soo bandhigi doonaa maalmaha soo socda, iyadoo ay u badan tahay inay aad u faraxsan yihiin.
30-sano jirkaan ayaa sidoo kale lala xiriirinayay kooxaha Roma, Sevilla iyo Rayo Vallecano, laakiin wuxuu hadda bilaabi doonaa marxaladda xigta ee xirfadiisa meel ka baxsan Yurub.
