Halyeeyga Man United ee Garry Neville ayaa magacaabay laba xiddig oo ay Arsenal u jabi doonto hadii ay ka dhaawacmaan.

Hadal hayn badan ayaa ka timid dhaawacii Rodri ee Man City iyada oo ay dad badan aaminsanyihiin in ay Man City dhibaatoon doonto la’aantiis.

Martin Odegaard ayaa ka Dhaawacmay Arsenal waxana ay dad badan sheegayaan in ay Gunners ku dhibaatoon doonto maqnaanshaha xiddiga.

Laakiin Neville ayaa aaminsan in xiddigaha Declan Rice iyo William Saliba ay muhiim ka yihiin kooxda Arsenal marka loo bar-bar dhigo Odegaard.

“Aniga ahaan waxa aan qabaa in Rice iyo Saliba ka muhiimsanyihiin Odegaard”ayuu Neville yidhi.

“Ma garanayo midka ay tahay in uu dhaawacmo laakiin hadii midkood ka dhaawacmo Arsenal waxa aan qabaa in ay kooxdu si weyn u dhibaatoon doonto”.