Tababaraha kooxda Manchester City ee Pep Guardiola ayaa kasoo muuqday war saxaafadeed, kadib markii ay 3-0 ku garaaceen kooxda Nottingham kulan ka tirsanaa wareega afar iyo tobnaad ee horyaalka Ingiriiska.
Tababaraha ayaa yiri: “Xaqiiqdii waxaan u baahnayn guushaas, kadib kulamo badan oo aan guul gaarin.”
“Waa maxay waxa ugu weyn? Waan ku guuleysanay,” ayuu raaciyay.
Isaga oo hadalkiisa sii wata waxa uu yidhi: “Kevin De Bruyne waxa uu ahaa mid aad u fiican, gaar ahaan qaybtii hore, marka uu taam yahay, aad ayuu muhiim noogu yahay, sannado badan tan iyo markii uu ka yimid Germany”.
Waxa uu carabka ku adkeeyay: Jack Grealish runtii aad ayuu u fiicnaa. Wuxuu naga caawiyay baaskii dheeriga ahaa”.
Marka la eego dhaawaca Nathan Ake: “Ma garanayo, waan arki doonaa berri, waa ciyaaryahan noo fiican waxaan ku dhibtoonay xilli ciyaareedkan dhaawacyo.”
