Chelsea waxay ku jirtaa xill-ciyaareedkeedii ugu adkaa ee muddo ka badan 20 sannadood, waxaanay ku jirtaa kaalinta 12aad ee horyaalka Premier League iyada oo waliba ah kooxda lacagtii ugu badnayd kharash garaysay sannadihii ugu dambeeyey.
Kooxda reer London ayay taageereyaasheedu is-weydiinayaan sida ay kooxdoodu noqonayso xilli ciyaareedka dambe iyo halka ay kaga dhamaysan doonaan miiska kala-sarraynta inkasta oo tababare cusub uu la wareegi doono xagaaga.
Halyeygii Liverpool ee Michael Owen ayaa uga jawaabay taageereyaasha su’aalaha su’aalaha gubaya, waxaan uu sheegay in Chelsea ay dib usoo laaban doono oo ay waliba ka mid noqon doonto afarta sare, iyada oo horyaalka kula dagaallami doonta Man City.
Michael Owen oo la hadlayay warbaahinta ayaa yidhi: “Waxay ila tahay inay afarta sare ku dhamaysan doonaan xilli ciyaareedka dambe. Arrinta ugu muhiimsan waa in ay kooxdu ka takhalusto ciyaartoyda qaarkood, waligaa ciyaartooyo tayadoodu sidaa u badan tahay si fiican uma maamuli kartid.