Halyeeyga kooxda Man United Roy Keane ayaa weerar ku qaaday Alejandro Garnacho kadib markii uu diiday in uu u dabaaldego goolkii uu ka dhaliyay kooxda Leicester City kulan ka tirsanaa horyaalka Premier league todobaadkii hore.
Garnacho ayaa ka soo kacay kursiga kaydka isaga oo dhaliyay goolka 3-aad ee kooxda Man United oo 3-0 uga badisay kooxda Leicester.
Si kastaba ha ahaatee, xiddiga reer Argentina ayaa diiday inuu u dabaaldego goolka cajiibka ah ee uu u dhaliyay kooxdiisa, taasoo layaab iyo hadalheyn badan dhalisay.
Isagoo ka hadlayay dhacdadaan, Keane ayaa ku adkaystay in Garnacho uu meel kale shaqo ka raadsado maadaama uusan rabin inuu faxad ku helo shaqadiisa.
Waxa uu Garnacho dhaliyay gool cajiib ah “United waxa ay ku jirtaa waqti adag, hadii ciyaaryahan da’yar aanu ku raaxaysan karin gool u dhaliyay waxba ma dareemayaan taageerayaasha “ayuu yiri Keane.
Meelo kale ka hel shaqo aad ku farxi karto, tan ma ahan shaqadaada kuma faraxsanid” Keane” ayaa ku yiri wiilka yar ee Garnacho.
