Wargeyska Sport ayaa sheegay in tababaraha Barcelona ee Hansi Flick uu diiday inuu la soo wareego ciyaaryahan cusub khadka dhexe ah marka la gaadho suuqa January.
Barcelona ayaa booskan la dhibtoonaysa ka dib markii uu dhaawac soo gaadhay xiddiga reer Holland ee Frenkie de Jong, iyo da’yarka cajiibka ah ee Marc Bernal, oo 17 jir ah, ayaa bilowgii xilli ciyaareedkan dhaawac halisah soo gaadhay.
Wargeysku waxa uu tilmaamay in Barcelona ay doonayso inay ciyaartoy cusub ka raadiso suuqa January balse Hansi Flick ayaa joojiyay hawsha.
Wargayska ayaa intaa ku daray in Hansi Flick uu aaminsan yahay in xiddigaha kooxda jooga haatan ee Casado, De Jong iyo Javi marka ay dhaawac ka soo laabtaan ku filnaan karaan kooxda.
“Sport” ayaa intaa ku daray in Hansi Flick uu asal ahaan ku kalsoon yahay awoodaha Bernal, xitaa ka dib dhaawaciisa halista ah, wuxuuna sugi doonaa inuu noqdo qayb muhiim ah oo ka mid ah Barcelona.
