Tababaraha kooxda Barcelona ee Hansi Flick ayaa muujiyay sida uu ugu faraxsan yahay guushii taariikhiga ahayd ee ay 4-0 kaga gaareen Real Madrid, ciyaartii El Clasico ee horyaalka Spain.

Goolal ay dhaliyeen Robert Lewandowski (2), Lamine Yamal iyo Raphinha ayaa ka caawiyay Barcelona in ay garaacaan Real Madrid.

Flick ayaa yiri”Waxaan had iyo jeer sheegaa inaan ku faraxsanahay inaan ka shaqeeyo Barcelona Tani waa shaqo cajiib ah”.

Waxa uu hadalkiisa raaciyay: “Waxaan ciyaarnay kulan aad u wanaagsan, waana ku faraxsanahay qaab ciyaareedka guud ahaan kooxda”.

Isaga oo hadalkiisa sii wata ayuu yidhi: “Ciyaartoydu aad bay ugu kalsoonaayeen, waxayna ku dabaal dageen guusha qolka labiska aad bay u wanaagsanayd inaan aragno.”