Kooxda kubadda cagta Arsenal ayaa u halgami doonta inay lix dhibcood yeelato marka ay maanta garoonka Emirates Stadium ku qaabbisho Leicester City, siddeed maalmood kaddib markii ay Gunners guul iyo ciyaar qurux badan ku furatay horyaalka Premier League.
Mikel Arteta ayaa kusoo galay ciyaartan, isla shaxdii uu toddobaadkii hore kusoo garaacay Leicester City ee guusha 2-0 ah kasoo gaadhay Sulhurst Park, waxaana hoggaaminaya Gabriel Jesus iyo Gabriel Martinez oo reer Brazil ah oo afka hore ka wada ciyaaraya.
Waxa kale oo caawinaya oo garab ka dheelaya Bukayo Saka, halka uu Martin Odegaard isaguna yahay kubbad-sameeyaha kubadda gaadhsiinaya weerarka, balse waxa ka dambeeya oo khadka dhexe ilaalinaya Granit Xhaka iyo Thomas Partey.
Xiddigii kulankii hore isku muujiyey ee William Saliba ayaa ciyaartii labaad ee Premier League ah kusoo bilowday, waxaana uu difaaca dhexe kala ciyarayaa Gabriel Magalhaes, halka Ben White iyo Oleksandr Zinchenko ay iyaguna labada baalood ka ciyaarayaan.
Leicester City ayaa iyaduna kusoo gashay shax adag oo ay hoggaaminayaan Maddison iyo Jamei Vardy oo khadka dhexe uu ka taageerayo Tielemans oo ay kooxaha waaweyn indhaha ku hayaan, Wilfried Ndidid, Castagne iyo Dewsburg-Hall.
Shaxaha rasmiga ah ee labada kooxood
Arsenal XI: Ramsdale, White, Gabriel, Saliba, Zinchenko, Partey, Xhaka, Saka, Odegaard, Martinelli, Jesus.
Kaydka: Turner, Tierney, Smith Rowe, Nketiah, Holding, Tomiyasu, Pepe, Lokonga, Elneny
Leicester City XI: Ward, Fofana, Evans, Amartey, Justin, Ndidi, Tielemans, Castagne, Dewsbury-Hall, Maddison, Vardy.
Kaydka: Iversen, Soyuncu, Albrighton, Iheanacho, Perez, Daka, Mendy, Praet, Thomas.
