Hordhac: Argentina Vs Netherlands ee Koobka Adduunka, Wararka Labada Xul iyo Shaxda Macquulka

Xulka aadka loogu hadal hayo koobka aduunka sanadkan ee Argentina ee uu hormoodka u yahay Lionel Messi ayaa tijaabadoodii ugu adkayd ilaa haatan tartankaas caawa la ballansan Netherlands.

Oranje iyo tababare Louis Van Gaal ayaa doonaya inay ka aarsadaan La Albiceleste oo ahaa dalkii Semi Finalka koobka aduunka ku reebay sanadkii 2014.

Wararka Labada Xul

Dhinaca Holland waxa shaki yari ku jiray taam ahaanshaha Stefan De Vrij oo soo kabtay walow aan la filayn inuu booska kala baxo xiddigaha asaasiga ka ah daafaca dhexe ee Oranje ee Van Dijk, Timber iyo Ake.

Frankie De Jong iyo De Roon ayaa la filayaa inay khadka dhexe kusoo wada bilawdaan halka Steven Bergwijn markale keydka u gali doono Memphis Depay.

Dhinaca Argentina macalin Lionel Scaloni ayaa rajaynaya inuu dib u helo Papu Gomez iyo Angel Di Maria oo midkoodna kulankii Australia dhaawac ku gaadhay midkoodna gabi ahaanba seegay.

Julian Alvarez ayaa markale No.9 kusoo bilaaban kara bedelka Lautaro Martinez, sidoo kale Rodrigo De Paul oo shaki ku jiray taam ahaanshihiisa ayay u badantahay inuu diyaar u noqdo kulankan.

Shaxda Macquulka Ah Ee Labada Xul

Netherlands (3-4-1-2): Noppert, Timber, van Dijk, Ake; Dumfries, de Roon, de Jong, Blind; Klaassen; Depay, Gakpo

Argentina  (4-3-3): Martinez; Molina, Romero, Otamendi, Acuna; De Paul, Fernandez, Mac Allister; Alvarez, Messi, Gomez

Xogta Ciyaaro

Tartanka: Koobka aduunka 2022

Wakhtiga: 22:00 habeenimo xilliga geeska Africa

Garoonka: Lusail Stadium

Garsoore: Antonio Mateu (Spain)

Wararka Ciyaaraha

Be the first to comment

Leave a Reply

Your email address will not be published.


*