Hordhac: Manchester United Vs Arsenal ee Horyaalka Premier league-ga, Wararka Labada Koox iyo Shaxda Macquulka

Arsenal ayaa tijaabo adag mareysa maanta oo Axad ah marka ay booqdaan Manchester United, madaama ay yihiin kooxda kaliya ee wada badisay shantii kulan uga horeysay xilli ciyaareedka Premier League.

Waxay ka horimaanayaan  kooxda tababare Ten Hag oo ku jirta qaab ciyaareed aad u fiican ka dib markii ay soo badiyeen seddexdii kulan ee ugu danbeysay horyaalka ka dib markii ay labo guuldarro oo isku xigta ku bilowdeen xilli ciyaareedka.

Wararka Labada Koox

Manchester United ayaa la soo bixi doonta hubkoodii ay ku tashanayeen iyadoo tababare Ten Hag la filayo inuu kulankiisii ugu horeysay safo xiddiga ay 81ka milyan ginni ku iibsadeen ee Antony halka Casemiro uu ku soo bilaaban karo kulankiisii ugu horeysay ee garoonka Old Trafford.

Anthony Martial ayaan weli diyaar aheyn madaama uu dhaawac qabo.

Arsenal ayaa weli qiimeyneysa goolhaye Aaron Ramsdale iyo xiddiga khadka dhexe Martin Odegaard ka dib markii ay dhaawacmeen kulankii ay 2-1 kaga badiyeen Aston Villa.

Oleksandr Zinchenko ayaa sidoo kale shaki uu ku jiraa sababtoo ah dhibaato uu ka qabo jilibka, wuxuuna maqnaa labadii kulan ee ugu danbeysay ee Gunners.

Reiss Nelson, Thomas Partey iyo Mohamed Elneny ayaa weli dhaawac ah.

Shaxda Labada Koox 

Manchester United: De Gea; Dalot, Varane, Martinez, Malacia; Casemiro, Eriksen; Sancho, Fernandes, Ronaldo; Rashford.

Arsenal: Ramsdale; White, Saliba, Gabriel, Tierney; Xhaka, Lokonga; Saka, Smith Rowe, Martinelli; Jesus.

Xogta Ciyaarta

Tartanka Premier league-ga

Saacada 18:40 Pm Geeska Africa

Garoonka Old Trafford

Wararka Ciyaaraha

Be the first to comment

Leave a Reply

Your email address will not be published.


*