Hordhaca: Manchester City Vs Paris Saint-Germain ee Champions league-ga Guruub A, Wararka Labada Koox iyo Shaxda Macquulka

Manchester City oo raadinaysa inay ka aarsato PSG guuldaradii bishii September ee Garoonka Parc des Princes, ayaa Etihad Stadium ku soo dhawaynaysaa Paris Saint-Germain kulanka  ka tirsan Champions League Guruubkiisa A .

Kooxda martida loo yahay ee City ayaa hadda fadhisa kaalinta 1aad iyagoo leh sagaal dhibcood, laakiin PSG ayaa hal dhibic oo kaliya ka hoosaysa waxayna todobaadkan isha ku haysaa u soo bixitaanka wareega xiga.

Wararka Labada Koox

Man City ayaa kulankan baaqi kusii ahaan doonta maqnaashaha Kevin De Bruyne kadib markii laga helay xanuunka Coronavirus, waxaana la arki doonaa hadii Jack Grealish uu taam u noqon doono kadib markii uu dhaawac fudud ku seegay kulankii Everton.

Ferran Torres ayaa sii wada inuu ka soo kabsado jabniinka cagtiisa, Cole Palmer ayaana hogaanka u dhiibay markii uu ka maqnaa Toffees, laakiin Gabriel Jesus ayaa ku soo laabanaya shaxdaan.

Ruben Dias iyo Riyad Mahrez ayaa sidoo kale ku soo bilaaban doona kulanka Les Parisiens, iyadoo Ilkay Gundogan uu sii wado inuu ka faa’ideysto maqnaanshiyaha De Bruyne ee dhexda.

PSG Waxaa faaruqay Qofka Cafimaadka usbuucyadii la soo dhaafay, waxaana jirta fursad uu ugu dambeyntii Sergio Ramos diyaar ugu noqon karo kulankiisii ​​ugu horeeyay ee la wada sugayay.

Marquinhos iyo Presnel Kimpembe ayaa ah dookhyada ugu badan ee ay ku soo laaban karaan daafaca dambeedka ,laakin goolhaye Gianluigi Donnarumma ayaa wali shaki laga muujinayaa xanuunka caloosha.

Julian Draxler iyo Rafinha ayaa sidoo kale loo badinayaa inay lumin doonaan, inkastoo midkoodna uusan ku jirin fursad uu ku soo bilowdo, iyadoo Messi, Mbappe iyo Neymar ay mar kale sameeyeen seddex weerar oo aan la celin karin.

Shaxda Macquulka ee Kulankan

Manchester City: Ederson; Walker, Dias, Laporte, Cancelo; Silva, Rodri, Gundogan; Mahrez, Jesus, Foden

Paris Saint-Germain: Navas; Hakimi, Marquinhos, Kimpembe, Mendes; Verratti, Gueye, Wijnaldum; Messi, Mbappe, Neymar

Xaqiiqooyinka Labada Koox

Manchester City ayaan laga badinin shantii kulan ee ugu horeysay oo ay Paris Saint-Germain la ciyaartay tartamada Yurub (W3 D2), laakiin waxa ay guuldaro 2-0 ah kala kulmeen kulankoodii ugu dambeeyay ee bishii September. Citizens, si kastaba ha ahaatee, waxa ay badiyeen labadii kulan ee ay kooxda Faransiiska kula ciyaareen garoonkooda tartanka UEFA Champions League – 1-0 bishii April 2016 iyo 2-0 bishii May 2021.

Ka dib markii ay badiyeen hal kulan 10kii kulan ee ugu horeysay ee ay marti ahaayeen kooxaha Ingariiska ee tartamada Yurub (D4 L5), Paris Saint-Germain ayaa badisay labo ka mid ah seddexdii kulan ee ugu danbeysay ee ay marti ahaayeen kooxaha Ingariiska (L1), iyadoo labadaas guul ay ka gaareen Manchester. 2-0 bishii Febraayo 2019 iyo 3-1 bishii Diseembar 2020 oo ay wajahday Manchester United.

Manchester City ayaa ku guuldareysatay inay wax gool ah ka dhaliso kulankoodii ugu dambeeyay ee Paris Saint-Germain (0-2 bishii September); Markii ugu horeysay ee aysan shabaqa ka helin koox Faransiis ah tartamada Yurub tan iyo December 2008, markaasoo ay barbaro 0-0 ah la galeen PSG tartanka UEFA Cup. Waxa ay shabaqa soo taabteen 23 jeer 11 kulan oo ay ciyaareen labadaan, celcelis ahaan 2.1 gool kulankiiba.

Manchester City Vs Paris Saint-Germain

Tartanka Champions league-ga

Saacada (23:00 pm Somalia) (21:00 pm Yurub)

Garoonka Etihad Stadium.

Kulamada kale ee la Ciyaarayo Champions League-ga Waqtiga Somaliya

20.45pm Besiktas vs. Ajax

20.45pm Inter Milan vs. Shakhtar

23:00 pm Atletico vs. AC Milan

23:00 pm Brugge vs. RB Leipzig

23:00 pm Liverpool vs. Porto

23:00 pm Man City vs. PSG

23:00 pm Sheriff Tiraspol vs. Real Madrid

23:00 pm Sporting Lisbon vs. Dortmund

Fadlan Tuko Salaada Hadii la Gaaray Waqtigeeda

Be the first to comment

Leave a Reply

Your email address will not be published.


*