Horudhac: Arsenal Vs Everton ee Horyaalka Premier League-ga, Wararka Labada koox iyo Shaxda Macquulka

Arsenal ayaa isha ku haysa guul ay ka gaadho Everton oo soo booqanaysa isla markaana isha ku hayn doonta kulanka dhex maraya kooxaha Tottenham iyo Norwich City.

Bilawgii xilli ciyaareedka qofna ma rajaynayn in Arsenal booska afraad u tartami karto, dhawaan ayay u muuqdeen kuwa booskaas hantiyay balse haatan ayay booska shanaad joogaan iyaga oo duco miciinsan doona si ay markale ugu laabtaan kaalintaas Champions League looga qayb galo.

Wararka Labada Koox

Arsenal ayaan qabin dhibaatooyin badan balse waxa kulankan ka maqnaan kara daafaca midig ee Takehiro Tomiyasu oo dhaawac uga baxay kulankii Newcastle ee u dambeeyay.

Mohamed Elneny iyo Granit Xhaka ayaa la filayaa inay khadka dhexe kasoo muuqdaan markale walow uu tababarka Gunners kusoo laabtay Thomas Partey.

Gabriel Martinelli ayaa booska garabka bidix ka riixan kara Emile Smith Rowe kaddib markii uu da’yarka ree England qaab ciyaareed liita kusoo bandhigay kulankii Newcastle.

Dhinaca Everton, Frank Lampard ayaa xiddigaha kooxdiisa ee daalan nasiimo siin kara kaddib markii ay dhawaan xaqiiqsadeen inay sii joogayaan Premier League oo inay ka dhaadhacaan halis u galeen.

Shaxaha Macquulka Ah

Arsenal (4-2-3-1): Ramsdale; Cedric, Holding, Gabriel, Tavares; Elneny, Xhaka; Saka, Odegaard, Martinelli; Nketiah

Everton (3-4-3): Pickford; Holgate, Keane, Godfrey; Iwobi, Doucoure, Alli, Mykolenko; Gray, Calvert-Lewin, Richarlison

Maclumaadka Ciyaarta

Tartanka: Premier League

Garoonka: Emirates Stadium

Saacada: 18:00 Pm Waqtiga Somalia

Garsoore: Andre Marriner

Wararka Ciyaaraha

Be the first to comment

Leave a Reply

Your email address will not be published.


*