Horudhac: Barcelona Vs Cadiz ee Horyaalka La Liga, Wararka Labada Koox iyo Shaxda Macquulka

Barcelona ayaa caawa Camp Nou kusoo dhawaynaysa kooxda kaalmaha horyaalka La Liga lagaga dhaadhaco ka ordaysa ee Cadiz xilli ay iyagu isha ku hayaan inay xoojistaan booska labaad ee horyaalkaas.

Barca ayaa sidoo kale qabta doonista ah inay iska maydho ceebtii Khamiistii kasoo gaadhay UEFA Europa League oo ay kooxda ree Germany ee Eintracht Frankfurt kaga reebtay Camp Nou.
Wararka Labada Koox

Barcelona ayay ka maqnaan doonaan Sergi Roberto, Ansu Fati, Samuel Umtiti iyo Gerard Pique oo dhaawacyo qaba halka uu kulankan ganaax ku seegayo Gerard Pique.

Clement Lenglet ayaa la filayaa inuu booska daafaca dhexe ee Araujo ka maqan yahay sii buuxiyo isaga oo ka garab ciyaaraya Eric Garcia.

Dhinaca kooxda Cadiz waxa ay dhaawacyo ku waayaysaa xiddigaheeda kala ah Florin Andone iyo Varazdat halka uu ka ganaaxnaan doono Ruben Alcaraz.

Shaxda Macquulka Ah Ee Labada Kooxood

Barcelona (4-3-3)ter Stegen; Alves, Garcia, Lenglet, Alba; de Jong, Busquets, Gavi; Dembele, Aubameyang, Torres

Cadiz (4-4-2)Ledesma; Akapo, Chust, Hernandez, Espino; Alejo, Mari, Fede, Idrissi; Negredo, Perez.

Barcelona Vs Cadiz

Tartanka La -Liga

Saacada 22:00 pm Waqtiga Somalia

Garoonka Camp Nou

 

Wararka Ciyaaraha

Be the first to comment

Leave a Reply

Your email address will not be published.


*