Chelsea ayaa isha ku hayn doonta inay halkeeda kasii wado guulihii ay gaadhaysay kulamadii ugu dambeeyay marka ay caawa booqanayso kooxda kaalmaha heerka hoose lagu tago ku jirta ee Norwich City.
Iyadoo Chelsea ay caawa gegida Carrow Road tagayso kaddib saddex guulood oo xidhiidh ah, Norwich ayaa iyadu ciyaartan imanaysa kaddib afar guuldarro oo xidhiidh ah xilli ay shan dhibcood u jiraan kooxda booska 17-aad ee Everton.
Wararka Labada Koox
Tababare Dean Smith ayaa war wanaagsan ka helay xaalada taam ahaansho ee kooxdiisa kahor kulankan waxaana kaliya dhaawac kaga maqnaan doona Andrew Omobamidele iyo Adam Idah.
Warka u wanaagsan Smith ayaa ah inay soo laabteen labada xiddig ee kala ah Lukas Rupp iyo Ozan Kabak, waxa la filayaa in Rupp uu shaxda toos ugu soo laaban doono halka ay u badan tahay in Kabak uu keydka soo fadhiisan doono.
Thomas Tuchel ayaa isagu warar isku dhafan ka helay xaalada dhaawacyada kooxdiisa, warka naxdinta leh ayaa ah in Reece James oo aad muhiim ugu ah isla markaana wacdarro dhigay kaddib markii uu kasoo laabtay dhaawac laba bilood ah uu markale dhaawac gaadhay.
Laakiin waxa jirta fursad wanaagsan oo ay ciyaartan u haystaan xiddigaha dhaawacyada iyo Korona Fayras ku kala maqnaa ee Cesar Azpilicueta, Marcos Alonso iyo Callum Hudson-Odoi.
Shaxda Macquulka Ah Ee Labada Kooxood
Norwich City (4-2-3-1): Krul; Aarons, Hanley, Zimmermann, Williams; Lees-Melou, Rupp; Sargent, Dowell, Rowe; Pukki
Chelsea (3-4-2-1): Mendy; Chalobah, Christensen, Rudiger; Hudson-Odoi, Kovacic, Jorginho, Saul; Mount, Pulisic; Lukaku.
Norwich City Vs Chelsea
Tartanka Premier League-ga
Saacada (22:30 pm Somalia) (20:30 pm Yurub)
Garoonka Carrow Road Stadium
