Warbixinada saxaafada ayaa daaha ka qaaday horumarka ku saabsan mustaqbalka ciyaaryahanka Liverpool Trent Alexander-Arnold ee kooxda Liverpool iyadoo qandaraaskiisa haatan uu dhamaanayo.

Ciyaaryahanka reer England qandaraaskiisa haatan ee Liverpool wuxuu dhacayaa xagaaga 2025, taas oo ah, dhamaadka xilli ciyaareedkan.

Trent Alexander-Arnold ayaa horay loola xiriirinayay inuu ka tagayo Liverpool iyada oo lala xidhiidhinayo Real Madrid.

Sida laga soo xigtay shabakada caalamiga ah ee Football Insider, ilo wareedyo ayaa xaqiijiyay in Liverpool ay waxoogaa horumar ah ka samaynayso wadahadalada heshiis kordhinta ee Arnold.

Waxay sharaxday in fariinta kooxda ay tahay inay socdaan wadahadalo u dhexeeya labada dhinac ee ku saabsan kordhinta joogitaanka 26 jirka ee Anfield.

Alexander-Arnold ayaa awood u yeelan doona inuu koox kasta kala hadlo heshiis horudhac ah oo laga bilaabo January.