Ian Wright ayaa sheegay in Chelsea ay qalad samaysay kadib markii ay la soo saxiixan wayday goolhayihii hore ee Arsenal Aaron Ramsdale kaasoo noqon karay sida uu aaminsan yahay bedelka Robert Sanchez.

Ramsdale ayaa ku raaxeystay laba xilli ciyaareed oo guulo ah oo uu ku qaatay Arsenal, laakiin ugu dambayntii waxa uu booskiisa koowaad ku waayay imaatinka David Raya oo kaga soo dhaqaaqay Arsenal kooxda Brentford 2023.

Ka dib xilli ciyaareed uu inta badan ku qaatay kursiga keydka, ciyaaryahanka Ingariiska ah ayaa u dhaqaaqay Southampton xagaagan isagoo raadinaya fursad uu kusii ilaashado booskiisa xulka England.

Si kastaba ha ahaatee, Wright ayaa dareensan in kooxda Arsenal ay ku xifaaltamaan London ay lumisay fursad weyn oo ay26 jirka u dhaqaajiyaan Stamford Bridge.

Waxaad hadda dib u eegtaa Chelsea, wax walba waa hagaagsan yihiin,” ayuu weeraryahankii hore ee Arsenal yiri, laakiin wuxuu sheegay in ay Blues 4-3 kaga badisay Tottenham muujineyso hoos udhaca goolhayaha.

Jadon Sancho wuxuu ahaa mid aad u wanaagsan, sida iska cad, Cole Palmer waxa uu sameynayaa waxyaabo aad u fiican, laakiin difaac ahaan waxay u baahan yihiin oo kaliya inay adkeeyaan goosha.

“Waxaan u maleynayaa in Ramsdale uu ku fiicnaan lahaa iyaga, “ayuu yiri halyeyga Arsenal Wright.