Arne Slot ayaa xaqiijiyay in Ibrahima Konate uu diyaar u yahay kulanka Salaasada ay la ciyaari doonaan kooxda Bayer Leverkusen.

Liverpool ayaa la ciyaari doonta kooxda Leverkusen kulankii 4-aad ee tartanka Champions League.

Slot ayaa sheegay in daafaca Ibrahima Konate diyaar u yahay kulanka inkasta oo uu dhaawac uga baxay kulankii Brighton.

Konate ayaa ayaa qaybtii dambe dhaawac uga baxay iyada oo la xaqiijiyay in dhaawaciisu ahayn mid halis ah.

“Haa, waa diyaar inuu ciyaaro,” ayuu yiri tababaraha. “Waxaan u maleynayaa inuu sidoo kale si buuxda u soo kabsaday, marka ma jirto arin ku aadan inuusan ciyaarin”.

“Markaa aniga ayay ku xiran tahay inaan go’aan gaaro haddii uu ciyaaro iyo haddii kale. Laakiin meel fiican ayuu joogaa.”