Ibrahima Konate ayaa ku sii dhawaanaya soo laabashada Liverpool laakiin daafaca dhexe ayaan diyaar u ahayn soo laabashada kulanka West Ham.

Konate ayaa muddo bil ah ku maqnaa dhaawac jilibka ah. Wali kuma soo laaban tababarka laakiin isaga iyo Conor Bradley labaduba waxa ay diyaar u yihiin horaanta sanadka cusub, iyada oo ay jiraan kulamo waaweyn oo soo socda.

Slot ayaa laga yaabaa inuu isbedelo yar sameeyo marka Liverpool ay la ciyaarayso west Ham taasoo noqon doonta kulankoodii sideedaad uguna dambeeya ee bisha December.

Diogo Jota ayaa kursiga keydka ka soo kacay kulankii afaraad oo xiriir ah kulankii ay 3-1 kaga badiyeen Leicester garoonka Anfield maalintii Boxing Day, ka dib markii uu dhaawac ku maqnaa.

Dominik Szoboszlai ayaa kusoo laaban kara khadka dhexe, halka Luis Diaz uu kusoo bilaaban karo weerarka.

Shaxda AY Liverpool kaga hor tagi Karto West Ham.

Alisson, Alexander-Arnold, Gomez, Van Dijk, Robertson, Szoboszlai, Gravenberch, Jones, Diaz, Gakpo, Salah