Inter Milan ayaa lagu soo waramayaa inay ku dhowdahay inay heshiis amaah ah kula soo wareegto Malang Sarr oo ay amaah kaga soo qaadatay Chelsea .
22-sano jirkaan ayaa ku dhibtooday inuu fursado ka helo daafaca Thomas Tuchel xilli ciyaareedkan, waxaana uu kaliya saftay seddex kulan tartamada oo dhan.
Sarr ayaa Stamford Bridge kaga soo biiray Nice sanadkii 2020, wuxuuna Blues kula jiraa heshiis dhacaya 2025, laakiin bixitaan ku meel gaadh ah ayaa loo malaynayaa in la hakin karo.
Sida laga soo xigtay SportMediaset , Inter ayaa wadahadalo horumar leh kula jirta Sarr oo amaah ah bisha Janaayo, waxaana heshiiska lagu wadaa in lagu daro ikhtiyaar ay ku iibsan karaan.
Kooxda heysata horyaalka Seria A ayaa wajaheysa mustaqbal aan la hubin oo ku aadan daafacyada dhexe ee haatan Stefan de Vrij iyo Milan Skriniar , labadoodaba waxaa lala xiriirinayaa Tottenham Hotspur.
Sarr ayaa Chelsea ku qiimeysaa €15m (£12.7m), wuxuuna ciyaaray kaliya 90 daqiiqo oo kubbadda cagta Premier League ah ilaa hadda.
