Jamie Carragher ayaa ku adkeysanaya in rabitaanka Liverpool ee ah in ay ku ciyaaraan 4 daafac ay tahay sababta ay u diideen saxiixa tababaraha haatan loo magacaabay Man United ee Ruben Amorim.
Man United ayaa ku dhawaaqday saxiixa tababare Ruben Amorim kaas oo la wareegi doona shaqada kooxda bisha Soo socota.
Ka hor intii ayna u dhaqaaqin saxiixa Arne Slot, Liverpool ayaa doonaysay saxiixa Tababare Ruben Amorim si ay ugu badasho Klopp.
Laakiin Reds ayaa go’aansatay in ayna u dhaqaaqin saxiixa tababaraha kaas oo iska sii joogay kooxda Sporting Lisbon.
Carragher ayaa ku soo qoray Telegraph: “Shakiga aan ka qabo ayaa ah in mid ka mid ah sababihii ay Liverpool isaga diiday saxiixa Amorim una doortay Slot ay tahay in uu ku ciyaaro 3 daafac dambe”.
“Amorim ayaa jecel in uu ku ciyaaro 3 daafac dambe halka uu Slot ku ciyaaro 4 daafac dambe taasna waxa ay keentay in ay Reds u dhaqaaqdo saxiixa Slot”.
