Paris Saint-Germain ayaa lagu soo waramayaa inay si rasmi ah wadahadalo ula furtay Borussia Dortmund si ay ugala soo wareegto ciyaaryahanka khadka dhexe ee Jude Bellingham .
Waxaa jiray hadal heyn ballaaran oo ku saabsan mustaqbalka xiddiga heerka caalami ee dalka England dhowrkii toddobaad ee u dambeeyay, iyadoo qaar badan oo ka mid ah kooxaha ugu waaweyn adduunka la sheegay inay si weyn u doonayaan saxiixa xiddiga sannadka soo socda.
Bellingham ayaa lagu wadaa inuu la fariisto Dortmund si uu ugala hadlo mustaqbalkiisa haatan maadaama England laga saaray Koobka Adduunka, waxaana la filayaa inuu u sheego kooxda Jarmalka inuu doonayo inuu baxo .
Liverpool , Real Madrid , Manchester City , Chelsea iyo Manchester United ayaa ka mid ah kooxaha lala xiriirinayo 19 jirkaan, kaasoo heshiis kula jira BVB xagaaga 2025.
Dhanka kale madaxweynaha kooxda PSG Nasser Al-Khelaifi ayaa xaqiijiyay in kooxda reer France ay doonayso in ay keento Paris inta lagu guda jiro suuqa kala iibsiga xagaaga soo aadan.
Sida laga soo xigtay Le10sport , PSG ayaa haatan xiriir la samaysay Dortmund si ay wadahadalo rasmi ah ugala gasho da’yarka sanadka soo socda.
