Juventus ayaa soo saartay bayaan ka dib markii xisaabtooda “X” ay shaacisay arin lama filaan ah oo ku saabsan saxiix ay kooxdu samaysay.

Bogga “X” ee kooxda Juventus ayaa si lama filaan ah u xaqiijiyay in ay la soo saxiixdeen xiddiga Real Madrid ee Arda Guler.

Qoraal la daabacay galabnimadii isniinta ayaa lagu yiri: “Ku soo dhawoow Juventus, Arda Guler!, Xiddiga soo kacaya ee kubbada cagta hadda waa qayb ka mid ah qoyska #Juventus”.

“Waxan diyaar u nahay in aan si wada jir ah taariikh u samayno safarkan cusub”.

Iyadoo Guler horay loola xiriirinayay inuu amaah ugu wareegayo Juventus bayaanka ayaa ka yaabiyay taageerayaasha Maadama wali 6 todobaad ka dhimantahay furitaanka suuqa”.

Wax yar kadib Waxa cadaatay in la jabsaday Bogga Juventus iyada oo Juventus xaqiijisay in heshiiska Guler uuna ahayn mid xaqiiqo ah.

“Akoonkayaga Juventus English-ka waa la jabsaday, fadlan iska dhaaf macluumaadka beenta ah ee lagu daabacay akoonkan, waxaan ka shaqeyneynaa arinta,” ayaa lagu yiri bayaan rasmi ah.