Kooxaha Saudi Arabia ayaa isha ku haya saxiixa daafaca heerka caalami ee dalka Holland xagaagan, 33 jirkaan ayaa lagu soo waramayaa inuu u furan yahay inuu u dhaqaaqo.
Daafaca ayaa diyaar u ah inuu sahamiyo suurtogalnimada ah inuu ku biiro Saudi Pro League, waxaana uu horey u siiyay ogolaanshiyaha kooxda uu doonayo inay wadahadal la furto Liverpool.
Warbixinta ayaa intaa ku dartay in Liverpool ay dalbaneyso lacag dhan 46.3 milyan oo ginni si ay u iibiso 33 jirka daafaca dhexe uga ciyaara.
Waa la arki doonaa haddii kooxda Sacuudi Carabiya ay diyaar u tahay inay bixiso.
Van Dijk waa mid ka mid ah daafacyada ugu fiican Premier League, laakin qandaraaska daafaca ee Liverpool ayaa dhamaanaya xagaaga soo socda.
Van Dijk waa hanti aan looga maarmin Liverpool wuxuuna u ahaa adeege aan caadi ahayn tan iyo markii uu kooxda kaga soo biiray Southampton.
Waxa uu ka caawiyay inay ku guuleystaan koob kasta oo weyn oo heer kooxeed ah.
Reds ma rabto inay beeca xorta ah ku weyso xagaaga dambe.
Hadii ay ku guul darraystaan in ay heshiis cusub ka saxiixaan xiddiga, Liverpool ayaa cadaadis ku saari karta in ay iska iibiso xagaagan.
