Kooxda Arsenal ayaa guuldaro xanuun badan kala kulantay Newcastle United kulan ka tirsan premier League.

Kulanka ayaa ahaa mid ay Arsenal maamulayso ciyaarta iyada oo Newcastle ku fiicnayd dhinaca weerarka iyo fursadaha.

Arsenal ayaa si weyn ugu hor dhibaatootay goolka hortiisa iyada oo aan gool u badalin fursadihii ay heleen.

Daqiiqadii 12-aad ayay Newcastle dhalisay goolka 1-aad waxana u dhaliyay xiddiga Alexander Isak kaas oo ciyaarta ka dhigay 1/0.

Kooxda Newcastle ayaa sii waday dadaalada ay ku doonayso goolal kale xilli ay Gunners u dadaalaysay sidii ay u dhalin lahayd bar-baraha.

Inkasta oo ay abuurtay furasadaha ugu badan sidoo kale maamulaysay ciyaarta hadana waxa ay ku dhibaatoodeen in ay tijaabiyaan goolka Newcastle.

Kooxda Arsenal ayaa kaliya hal mar goolka Newcastle la heshay kubad ay laagtay iyada oo kubadaha kale cirka marayeen.

Waxa sidaas ku dhamaatay ciyaarta oo ay Arsenal la kulantay guuldaradii 2-aad ee horyaalka xilli ciyaareedkan.