Kooxda Barcelona ayaa xaqiijisay in ay si xor ah kula soo wareegtay goolhaye Wojciech Szczesny.
Dhawaan bishii hore, 34-sano jirkaan ayaa qaatay go’aan ah inuu ciyaaraha ka fadhiisto kadib markii uu ka soo ciyaaray premier League iyo Serie A.
Si kastaba ha ahaatee, halyeeyga ayaa hadda dib u soo laabtay isagoo ogolaaday inuu heshiis hal sano ah u saxiixo Barcelona kadib dhaawacii Marc-Andre ter Stegen.
Goolhayaha reer Germnay ayuu dhaawac halis ah ka soo gaaray jilibka kulankii Villarreal ee Sebtember 22, waxaana intaa kadib la xaqiijiyay inuu maqnaanayo inta ka dhiman xilli ciyaareedka.
Iyadoo boosas weli laga heli karo kooxdeeda koowaad, Barcelona ayaa awood u yeelatay inay la soo saxiixato Szczesny kaas oo heshiis hal sano ah u saxiixay kooxda Barcelona.
