Kooxda Liverpool ayaa garaacday kooxda Man City kulan ka tirsanaa premier league kana dhacay Anfield.
Liverpool ayaa ahayd kooxda Fiican iyaga oo dhinac kasta kaga awood badan kooxda Man City.
Qaybtii hore ee ciyaarta Reds ayaa soo bandhigtay qaab ciyaareed cajiib ah oo ay hogaanka ugu qabatay Man City oo marti u aheyd, iyadoo Cody Gakpo uu gool ubedelay baas ka yimid Salah.
Daafaca Virgil van Dijk ayaa ku garaacay birta, Gakpo ayaa kubad ku qalqal galiyay markale City, halka Dominik Szoboszlai laad xoogan laga beeniyay.
Qeybta labaad markii la isku soo laabtay, Man City ayaa isku dayday in ay la timaado goolka barbaraha, laakiin in ay galaan xerada ganaaxa ayaa aad u yareyd.
Mohamed Salah ayaa rajo kasta oo ay laheyd Man City dilay daqiiqadii 77aad, wuxuu gool ubedelay rigoore loo dhigay Man City.
Salah wuxuu ahaa xiddigii ugu fiicnaa caawa kooxda Liverpool, gool ayuu dhaliyay midna waa caawiyay, isaoo kujira mid kamid ah xili ciyaareedyadiisii ugu fiicnaa Premier League.
Guud ahaan ciyaarta ayaa kusoo dhamaaday 2- 0 oo ay ku badisay kooxda Liverpool oo hadda farqi 9 dhibcood ah hogaanka Premier League ku heysa, waxaana ay sidookale 11 dhibcood ka sareeyaan kooxda Man City oo xaalad xun kujirta.
