Kooxda Man United ayaa u muuqata kuwo helaya kalsoonidooda iyaga oo garaacay kooxda Brentford kulan ka tirsanaa premier League.

Man United ayaa guul soo laabasho leh ka gaadhay kooxda Brentford kulan ka dhacay Old Trafford kana tirsanaa premier League.

Kulanka ayaa ahaa mid ah oo ay labada kooxood soo bandhigeen ciyaar isku dheelitiran oo fursado labada dhinac ahba leh.

Kooxda Brentford ayaa Man United kaga naxsatay gool daqiiqadii 45+5-aad waxana u dhaliyay Ethan Pinnock kaas oo ciyaarta ka dhigay 1/0.

Qaybta dambe ayay Man United si dar-dar leh ku bilaabatay iyaga oo doonayay in ay ku soo laabtaan ciyaarta.

Daqiiqadii 47-aad ayay Man United dhalisay goolka bar-baraha waxana u dhaliyay xiddiga Alejandro Garnacho kaas oo ciyaarta ka dhigay 1/1.

Kooxda Man United ayaa daqiiqadii 62-aad dhalisay goolka 2-aad waxana u dhaliyay xiddiga Rasmus Hojlund kaas oo ciyaarta ka dhigay 2/1.