Kooxda Manchester City ayaa albaabka danbe ka gashay taariikhda tartanka Champions League,ka dib markii ay barbardhac niyad jab ah la gashay ciyaartii shalay ay kooxda Feyenoord kula gashay garoonka “Etihad”.
Labada kooxood ayaa ku kulmay wareega shanaad ee Champions League, heerka horyaalka, waxaana ay ku kala baxeen bar-baro 3/3 ah.
Manchester City ayaa ku hogaamineysay seddex gool ka hor inta aysan Feyenoord dhalin 3 gool oo bar-baro ah.
Sida laga soo xigtay shabakadda caalamiga ah ee Opta, Manchester City ayaa ah kooxdii ugu horreysay taariikhda Champions League ee saddex gool ku hoggaaminaysa illaa daqiiqaddii 75aad, ka dibna ku guul darreysato inay guul gaarto.
Manchester City ayaan wax guul ah dhadhamin 6 kulan oo xidhiidh ah oo ay ciyaartay tartamada kala duwan, waxaana laga badiyay 5 kulan midna barbaro ayay gashay.
