kabtanka kooxda Manchester City Kyle Walker ayaa carabka ku adkeeyay baahida loo qabo inay hurdada ka kacaan oo ay horumariyaan wax qabadkooda ka hor kulanka soo socda ee Liverpool, ee ka tirsan Premier League.

Garoonka Anfield ayaa marti galin doona kulanka labada kooxood ee wareega 13 ee horyaalka premier League Axada soo socda.

Liverpool ayaa hogaanka horyaalka England ku hogaaminaysa 31 dhibcood waxayna 8 dhibcood ka saraysa kooxda Man City oo kaalinta 2-aad ku jirta.

Walker oo arintaas ka hadlaya ayaa yidhi”Waa kulan ku fiican in aan xaalada ku badalno isla markaas aan helno 3-da dhibcood”.

“Laakiin ma soo bandhigi karno qaab ciyaareedkii kulankii kulankii Tottenham”.

“Hadii aan sidan oo kale u ciyaarno shaki la’aan lama tartami karno Liverpool”.