Kylian Mbappe ayaa wacdaro ka dhigay kulankiisii ugu horeeyay ee tartanka UEFA Champions League ee Real Madrid isaga oo si sahlan ku helay goolka.
Xiddiga reer France ayaa ka faa’idaystay kubad uu si cajiib ah uga caawiyay Rodrygo de Goes isaga oo kubbada dhex galiyay shabaqa oo madhan.
25-sano jirkaan ayaa u muuqda mid ka gariiray habacsanaantii uu ku bilaabay noloshiisa Madrid.
Ka dib markii uu ku guuldareystay inuu gool dhaliyo seddexdii kulan ee ugu horeysay La Liga, wuxuu helay laxankiisa, isagoo hadda shabaqa soo taabtay seddex kulan oo isku xigta tartamada oo dhan.
Qaab ciyaareedkiisa ayaa ahaa mid aad muhiim u ah, laba gool oo uu ka dhaliyay Real Betis waxa u raacay goolkii ay 2-0 kaga badiyeen Real Sociedad.
Kulankii ugu dambeeyay, xitaa dhowr fursadood oo isku dhow ka dib, Mbappe ayaa daah furay goolka 46 daqiiqo kaliya markii ay socotay ciyaartii Stuttgart.
