Liiska: 15 Kooxood ee u Gudbay Wareegga 16ka, kuwa La Sugayo Iyo Waqtiga Isku-aadka La Samaynayo

15 kooxood ayaa usoo gudbay wareegga 16ka tartanka Champions League, waxaana la sugayaa laba kooxood oo ciyaartoodii ay u baaqatay baraf ka da’ay Talyaaniga, kuwaas oo Khamiista soo kala bixi doona.

Kooxaha Lille iyo FC Salzburg ayaa usoo gudbay wareegga 16ka iyaga oo iska reebay Sevilla oo kaalinta saddexaad ku dhamaysatay, kana ciyaari doonta tartanka Europa League. Waxa kale oo tartanka Champions League ka baxday Barcelona, kaddib guul-darro qadhaadh oo ay kala kulantay Bayern Munich taas oo ay group-kooda kasoo wada baxeen Benfica oo hal dhibic ka sare martay Barca.

Labadan kooxood ee reer Spain ayaa Europa League kala soo muuqan doona AC Milan, RB Leipzig iyo Borussia Dortmund.

Kulankii u dhexeeyay kooxaha Atalanta iyo  Villarreal oo ay isku Group yihiin Manchester United ayaa la baajiyey, waxaana labadaas kooxood ay midkood kusoo bixi doontaa kaalinta labaad maadaama  ay Manchester  United noqotay kooxda booska  koowaad kusoo gudubtay.

Kooxaha usoo gudbay wareegga 16ka

Group A: Manchester City & Paris Saint-Germain

Group B: Liverpool & Atletico Madrid

Group C: Ajax & Sporting Lisbon

Group D: Real Madrid & Inter Milan

Group E: Bayern Munich & Benfica

Group F: Manchester United & Atalanta ama Villarreal

Group G: Lille iyo RB Salzburg

Group H: Juventus iyo Chelsea.

Goorma ayaa la samaynayaa isku-aadka wareegga 16ka Champions League

Maalinta Isniinta ee December 13, ayaa la samayn doonaa isku-aadka wareegga 16ka Champions League.

Goorma ayaa  la ciyaarayaa  kulamada wareegga 16ka

Kulamada koowaad waxay dhacayaan labada maalmood ee February 15 & 16, halka kulamada labaadna ay la ciyaari doono March 8 & 9.

Goorma ayaa la samayn doonaa isku-aadka wareegyada Siddeedda, Semi-finalka iyo Finalka?

Maalinta Jimcaha ee March 18 ayaa la samayn doonaa isku-aad xaqiijinaya illaa ciyaarta ugu dambaysa ee finalka Champions League ee xilli ciyaareedkan.

Wararka Ciyaaraha

Be the first to comment

Leave a Reply

Your email address will not be published.


*