”Lionel Messi oo Ooynaya ayaa doonayaa” Xidig hore ee Reer Brazil oo Cadaawad u Mujiyay Messi

Weeraryahankii hore ee Brazil ee Fred ayaa qirtay in waxa ugu weyn ee uu doonayo ay tahay in ay indhihiisu qabtaan Lionel Messi oo ooyaya, isla markaana uu dalkaasi ka hadho Koobka Adduunka si uu xiddigani murugo ugu dhamaysto ciyaaraha caalamiga ah ee la filayo inuu ku dhawaaqo inuu ka fadhiisanayo kaddib Koobka Adduunka.

Argentina iyo Netherlands ayaa wada ciyaaraya fiidka, balse waxa kasoo horreynaysa ciyaarta adag ee Brazil iyo Croatia oo midkood uu fiidka horeba iska xaadirin doono semi-finalka halka uu midkoodan oohin ku macasalaamayn doono tartanka.

Haddii Brazil ay soo dhaafto Croatia, waxay semi-finalka ku sigi doontaa Argentina iyo Netherlands midkooda badiya, balse Fred waxa uu doonayaa in ay soo baxaan Brazil iyo Argentina oo ay caawa garaacaan xulalka reer Yurub, isla  maarkaana isku dhacaan semi-finalka oo guusha uu la doonayo Brazil.

Fred oo la hadlayay EPSN ayaa yidhi: “Waxa aan doonayaa in semi-finalku uu noqdo Brazil vs Argentina. Waxa aan doonayaa isku-buuq, qas, Neymar oo rikoodhe dhaliya iyo oohinta Messi.”

Kulamada caawa yaaa ah mid u dhexeeya waddamo reer Yurub ah iyo kuwo reer Latin America ah, waxaana ka dhalan kara saddex xaalood. Midda hore, waa in ay laba dal oo reer Latin America ah soo baxaan oo ay semi-finalka iskugu yimaaddaan. Midda labaadna, waa in dal reer Yurub ah iyo mid Latin America ah isku ballansadaan semi-finalka iyo xaaladda saddexaad ee aan aadka loo saadaalin oo ah in laba reer Yurub ahi soo wada baxaan.

Brazil & Argentina oo soo wada gudba, waxay dib usoo celinaysaa xafiiltankii qarniyada soo jiray ee u dhexeeyey labadan waddan ee deriska ah. 113 jeer oo hore ayay kulmeen Brazil iyo Argentina waxaana 46 mar badisay Brazil oo ah dalka gacanta sarreeya, halka Argentina ay libtina la hoyatay 41 mar iyaga oo 26 jeer oo kalena barbarro ku dhamaystay.

Ciyaartoodii iskugu dambaysay waxay ahayd November 2021 oo ay isreeb-reebka Koobka Adduunka barbarro ku dhamaysteen, balse finalkii Copa America 2021 ayaa sidoo kale ay Argentina ku adkaatay 1-0 oo ay koobka ku qaadday, waxaana goolkaas dhaliyey Angel di Maria.

Wararka Ciyaaraha

Be the first to comment

Leave a Reply

Your email address will not be published.


*