Lionel Messi ayaa soo laabtay si uu uga hadlo kooxdiisii hore ee Barcelona xilli uu ka soo muuqday barnaamijka “El nou clam” ee TV3 ee Miami.
Weeraryahanka reer Argentine oo ka mid ah halyeeyada kooxda Catalan ayaa amaanay kooxda haatan ee Barcelona ee uu hogaamiyo tababare Hansi Flick.
Messi ayaa yiri: “Waxaan u arkaa inay tahay koox weyn, tanina igama yaabin, sababtoo ah tani ma ahan markii ugu horeysay, laakiin waa ay dhacaysay xirfadeyda oo dhan, ugu yaraan tan iyo markii aan ku biiray kooxda anoo seddex iyo toban jir ah. ”
Messi ayaa hadalkiisa sii raaciyay: “Waa wax aad u fiican in dhalinyarada fursad la siiyay sanadihii ugu dambeeyay, marka la siiyo fursada iyo kalsoonida, waxay ku jawaabaan sidaan oo kale sababtoo ah waxay ka yaqaanaan kooxda inay ka aqoon badan yihiin dadka kale”
Wuxuu intaas ku daray: “Waxay caadeysteen inay ciyaaraan qaabkaan tan iyo yaraantoodii, marka si wanaagsan loo taageero, guulahaas waxay u dhacaan sidii ay u dhici jireen xilliyadii hore.”
