Liverpool ayaa garaacday Real Madrid Champions League markii ugu horeysay tan iyo 2009 markaas oo uu hogaaminayay Rafael Benitez, waxayna soo gabagabeysay sideed kulan oo aysan wax guul ah ka gaarin Los Blancos.

Arne Slot wuxuu sameeyay wixii uu Jürgen Klopp awoodi waayay intii uu ahaa macalinka Liverpool. Iyadoo xitaa Real Madrid laba jeer tartankaan ka qaaday.

Reds ayaa ah kooxda kaliya ee tartanka Champions League rikoor 100% ah ku bilaabatay xili ciyaareedka 2024/25, wax guuldarro ah masoo gaarin.

Sideed dhibcood oo nadiif ah ayay ku hogaamineysa Premier League iyadoo sidookale hogaanka u heysa Champions League kooxda Liverpool.

Arne Slot ayaa sidokale sii wata rikooradiisa gaar ah, isagoo badiyay 16 kamid ah 18 kulan oo uu hogaamiyay Liverpool tartamada oo dhan.