Liverpool ayaa kula biirtay kooxaha Arsenal iyo Newcastle United tartanka loogu jiro saxiixa khadka dhexe ee RC Lens Seko Fofana.
Sida uu ku waramay saxafiga reer France ee Ignazio Genuardi isaga oo u sii maraya The Liverpool Echo , Reds ayaa diiwaan galisay xiisaha ay u qabto xiddiga reer Ivory Coast.
Dhanka kale, L’Equipe, ayaa sheegtay in kabtanka Lens ay sidoo kale doonayaan labada koox ee Arsenal iyo Newcastle United.
Kooxda Jurgen Klopp ayaa ilaa haatan u soo adkaysatay xilli ciyaareed adag oo Premier League ah waxana ay si aad ah uga hareen tartanka horyaalka.
Khadka dhexe ayaa ahaa meel ay Liverpool uga horeyso kooxaha ka soo horjeeda mana aha wax lala yaabo in lala xiriiriyo khadka dhexe.
Liverpool ayaa dhamaystirtay saxiixa Arthur Melo oo ay amaah kaga soo qaadatay Juventus maalintii ugu dambaysay suuqa kala iibsiga. Si kastaba ha ahaatee, xiddiga heerka caalami ee dalka Brazil ayaa awoodi waayay inuu saameyn ku yeesho garoonka Anfield, sababtoo ah dhaawaciisa.
Kooxda Klopp ayaa la fahamsan yahay in ay u aqoonsadeen Seko Fofana mid ka mid ah bartilmaameedyadooda laakiin ma cadda in January ama xagaaga dambe.
Warbixinta ayaa sidoo kale soo jeedinaysa in Fofana uu doonayo inuu xilli ciyaareedka ku dhammeeyo Lens, kuwaas oo ku raaxaysanaya xilli ciyaareed cajiib ah Ligue 1. Da’yarkii hore ee Manchester City ka soo qalin jabiyay ayaa xubin muhiim ah ka ah kooxda Franck Haise.
Lens ayaa ku jirta kaalinta 2-aad ee horyaalka Ligue 1-ka iyada oo leh 33 dhibcood 14 kulan oo ay ciyaartay halka ay kooxda hogaanka u haysa horyaalka ee Paris Saint-Germain (PSG) ay ka dambeeyaan kaliya 5 dhibcood.
Bartilmaameedka Arsenal iyo Newcastle United ayaa ah ciyaaryahan khadka dhexe ah oo firfircoon oo ku faana awood dhan walba ah. Wuxuu dhaliyay 14 gool wuxuuna caawiyay sideed kale 85 kulan oo uu u saftay Lens tartamada oo dhan ilaa hada.
