Liverpool Oo Lagu Amray Inay Keydka Geliyaan Mid Ka Mid Ah Goolhayayaasha Ugu Fiican Adduunka Kadib Waxqabadkii Ugu Dambeeyay.
Arne Slot ayaa si cad u sheegay inuu hoos u dhigi doono goolhayaha Liverpool Caoimhin Kelleher isla marka uu Alisson taam noqdo, inkastoo goolhayaha xulka Republic of Ireland uu qaab ciyaareed cajiib ah soo bandhigay.
Alisson ayaa dhaawac muruqa ah soo gaaray intii lagu jiray guushii ay Liverpool ka gaartay Crystal Palace bishii Oktoobar 5, wuxuuna ka maqnaa Reds kulamadii ugu dambeeyay. Intii uu maqnaa, Kelleher ayaa helay fursad uu ku muujiyo awoodiisa, isagoo bandhig wanaagsan ka sameeyay goolka.
Tan iyo guushii Selhurst Park, kooxda Slot ayaa guuleysatay lix kulan oo kale waxeyna barbaro gashay hal kulan keliya, taasoo keentay inay shan dhibcood ku hogaamiyaan Premier League. Kelleher ayaa ka caawiyay Liverpool inay sii wado qaab ciyaareedkooda wanaagsan isagoo afar jeer shabaqiisa ilaashaday siddeedii kulan ee uu ciyaaray xilli ciyaareedkan, wuxuuna bandhig cajiib ah ka sameeyay kulamada xulkiisa, isagoo xiddiga ciyaarta noqday guushii 1-0 ee Republic of Ireland ay ka gaartay Finland Khamiistii.
“Laakiin marka hore waa inuu taam noqdo. Laakiin Caoimhin waxa uu qabtay shaqo cajiib ah, xilli ciyaareedkii hore iyo midkanba, laakiin marka uu Alisson taam noqdo, isagaa noqon doona goolhayahayaga koowaad.”**
