Kooxda Man City ayaa sii wada luminta dhibcaha horyaalka premier League iyaga oo bar-baro la galay kooxda Newcastle.

Man City ayaa bar-baro 1/1 ah la gashay kooxda Man City kulan ka dhacay San James’s Park.

Man City ayaa ahayd kooxda maamulaysa ciyaarta iyaga oo ka awood badnaa Newcastle oo qaab difaaceed ku jirta.

Kooxda Pep Gurdiola ayaa daqiiqadii 35-aad dhalisay goolka 1-aad waxana u dhaliyay Jasko Gvardiol kaas oo hogaanka u dhiibay kooxdiisa.

Man City ayaa isku dayday in ay sii dheeraysato hogaanka ciyaarta iyada oo fursado samaynaysa.

Dhinaca kale Newcastle United ayaa daafac ku jirtay waxana ay qaadaysay weeraro rogaal celis ah.

Waxa sidaas ku dhamaatay qaybta hore ee ciyaarta oo ay Man City hogaaminayso isla markaas ahayd kooxda fiican.

Qaybtii dambe ayay Newcastle soo qaadatay iyaga oo raadinayay in ay dhaliyaan goolka bar-baraha.

Daqiiqadii 58-aad ayay Newcastle dhalisay goolka bar-baraha waxana u dhaliyay xiddiga Antony Gordon kaas oo ciyaarta ka dhigay 1/1.

Waxa sidaas ku dhamaatay ciyaarta oo ay Man City dhibco kale ku lumisay premier League.