Manchester United waxa ay doonaysaa in ay ka fogaato rikoodhkii ugu xumaa ee martida ee kulanka Manchester Derby tan ilaa 1995 marka ay u safarayaan Man City kulan ka tirsan premier League.
Red Devils ayaa laga badiyay seddexdii kulan ee ugu danbeysay ee Premier League ee ay martida u ahaayeen Citizens, waxaana laga dhaliyay 13 gool.
Man United lagama badin afar kulan oo isku xigta oo horyaalka ah oo ay booqatay Man City tan iyo 1955, sidaa darteed waxay higsan doontaa inay ka fogaato rikoodhkaas oo noqon doona rikoodhkii ugu xumaa Kulanka Derby muddo 69 sano ah.
Afar ka mid ah shantii kulan ee ugu danbeysay ee Manchester Derby waxaa badisay Man City, laakiin Man United ayaa 2-1 ku badisay finalkii FA Cup xilli ciyaareedkii hore – natiijadaas oo door weyn ka ciyaartay in Erik ten Hag uu sii wato shaqadiisa tababarenimo.
