Kooxaha Man United iyo chelsea ayaa ba-baro ku dhaafi waayay kooxaha Aston Villa iyo Nottingham Forest kulamo ka tirsanaa premier League.
Chelsea hadii aan ku horayno, Blues ayaa dhaafi wayday 10 xiddig oo Nottingham ah kulan ka dhacay Stamford Bridge.
Kooxda Nottingham Forst Forest ayaa ahayd kooxda halista badan iyaga oo chelsea ku qaadayay weeraro rogaal celis ah.
Blues ayaa dhinaceeda maamulaysay ciyaarta iyaga oo kubado baas ah ciyaarayay isla markaas ahaa kuwa gacanta ku haya ciyaarta.
Daqiiqadii 49-aad ee qaybta dambe ayay Nottingham Forest chelsea ka dhalisay goolka furitaanka waxana u dhaliyay xiddiga Chris wood kaas oo ciyaarta ka dhigay 1/0.
Chelsea ayaa bilowday in ay raadiso goolka bar-baraha iyaga oo Nottingham ku qaadayay weeraro aan kala joogsi lahayn.
Daqiiqadii 57-aad ayay chelsea dhalisay goolka bar-baraha waxana u dhaliyay Noni Madueke kaas oo ciyaarta ka dhigay 1/1.
Nottingham ayaa daqiiqadii 78-aad kaadhka cas looga saarya xiddiga James Ward-Prowse kaas oo kooxdiisa kaga tagay 10 xiddig.
Inkasta oo chelsea ahayd kooxda weerarka ah hadana waxa ay ku fashilmeen in ay gool ka dhaliyaan kooxda Nottingham.
Dhinaca kale Man United iyo Aston Villa ayaa ku kala baxay bar-baro gool la’aan ah iyada oo midkoona wax gool ah dhalin.
