Kooxda Man United ayaa guul weyn ka gaadhay kooxda Everton kulan ka dhacay Old Trafford kana tirsnaa premier League.

Tababare Ruben Amorim ayaa kulankiisii ugu horeeyay hogaamiyay Man United Old Trafford kulan premier League ah.

Man United ayaa si dar-dar leh ku bilaabatay ciyaarta iyaga oo doonayay in ay horay u dilaan ciyaarta.

Marcus Rashford ayaa daqiiqadii 34-aad dhaliyay goolka 1-aad ee ciyaarta waxana uu ciyaarta ka dhigay 1/0.

Xiddiga Joshua Zirkzee ayaa kooxdiisa u dhaliyay goolka 2-aad waxana uu shabaqa soo taabtay daqiiqadii 41-aad ee ciyaarta.

Waxa ay Man United halkaas ka sii waday dadaalada ay ku doonayso in ay badiso kulanka isla markaas dhaliso goolal badan.

Xiddiga Marcus Rashford ayaa daqiiqadii 46-aad ee qaybta dambe dhaliyay goolka 3-aad ee ciyaartiisa isaga oo ka dhigay 3/0.

Zirkzee ayaa daqiiqadii 64-aad dhaliyay goolka 4-aad ee kooxdiisa isaga oo ciyaarta ka dhigay 4/0 ay United ku hogaaminayso ciyaarta.

Waxa sidaas ku dhamaatay ciyaarta oo uu Amorim guul weyn ku bilowday noloshiisa garoonka Old Trafford.