Man United oo si weyn uga qoomameysay maqnaanshaha Casemiro

Man United ayaa si weyn uga qoomameysay maqnaanshaha Casemiro oo ganaax ku maqnaa kulankii maanta ka dib markii laga qabsaday khadka dhexe taasoo keentay in culeys weyn uu koro daafacooda.

Odegaard ayaa noqday mashiinka khadka dhexe isagoo cagta la maray xiddigaha Man United islamarkaana fursado u abuurayay weerarka Arsenal. Sababta ugu weyn ee Man United maanta looga badiyay ayaa aheyd maqnaanshaha Casemiro waxaana cadaatay inay ku tiirsan yihiin xiddiga reer Brazil.

Tababare Erik ten Hag waxaa dhaaftay fursad aheyd inuu labo burburiye khadka dhexe ku dheela sida McTominay iyo Fred laakiin wuxuu doortay inuu McTominay iyo Eriksen ku soo bilaabo taasoo fursad weyn u noqotay Gunners oo aakhirkii 3-2 ku garaacday Manchester United.

Arsenal iyadoo xilli ciyaareedka uu kala bar u marayo ayay leeyihiin 50 dhibcood, 19 sannadood ka dib waxay ku dhow yihiin hashada Premier League. Xaqiiqdiina waqtigaan oo kale xilli ciyaareedkii ay guuldarro la’aanta ku qaadeen horyaalka ee 2003-04 waxay lahaayeen 45 dhibcood.

XIDDIGA GAROONKA

Bukayo Saka (Arsenal) Inkastoo Eddie Nkitiah dhaliyay labo gool hadana Bukayo Saka ayaa ahaa xiddigii ugu fiicnaa garoonka isagoo weerar joogta ah ku hayay Manchester United, wuxuu dhaliyay hal gool, wuxuu sidoo kale garaacay birta, wuxuuna ahaa halis joogta ah mar kasta uu weerar qaado.

Ciyaartoyda kale ee wacdarraha u dhigay Gunners waxaa ka mid ah Nketiah, Odegaard, Partey iyo Zinchenko oo qiimeyn sarre ku helay ciyaartaan.

XIDDIGIHII UGU LIITAY

Madaama Man United laga qabsaday khadka dhexe waxaa kulankaan ku fashilmay McTominay iyo Christian Eriksen, sidoo kale waxaa isna aad u liitay Wan-Bissaka oo qalad ku lahaa goolkii Eddie Nkitaih uu ciyaarta ku barbareeyay.

QIIMEYNTA CIYAARTOYDA

Arsenal: Ramsdale 6, White 5, Gabriel 6, Saliba 6, Zinchenko 7, Partey 7, Xhaka 6, Odegaard 7, Saka 8, Nketiah 8, Martinelli 6.

Bedel: Tomiyasu 6, Trossard 6, Holding 6.

Man United: De Gea 6, Wan-Bissaka 5, Varane 6, Martinez 6, Shaw 5, McTominay 5, Eriksen 5, Bruno 6, Antony 6, Weghorst 6, Rashford 6.

Bedel: Fred 6, Garnacho 6.

Wararka Ciyaaraha

Be the first to comment

Leave a Reply

Your email address will not be published.


*