Manchester United ayaa macsalaameysay mid ka mid ah shaqsiyaadka ay jeclaayeen kooxda ee Ruud van Nistelrooy.

Weeraryahankii caanka ahaa ee dhawaan si ku meel gaar ah u noqday macalinka kooxda ayaa si rasmi ah uga tagay  Old Trafford ka dib markii uu yimid Ruben Amorim.

Bixitaankii Van Nistelrooy ayaa soo afjaray jaceyl muddo kooban oo ay u qaadeen ciyaartooyda iyo jamaahiirta kooxda.

Taageerayaashu waxay rajaynayeen inuu ku sii sugnaado kooxda, ugu dambeyntii waxaa la go’aamiyay in waqtigiisa United uu dhamaaday.

Bartiisa Instagram-ka ayuu si qiiro leh Van Nistelrooy waxa uu kula wadaagay mahadnaqiisa iyo jacaylka uu u qabo kooxda taageerayaasha.

Weeraryahankii hore ee United ayaa muujiyay sida ay kooxdu uga dhigan tahay isaga.