Guushii Liverpool ay ka gaartay Crystal Palace Sabtidii ayaa Arne Slot waxa uu noqday tababarihii afaraad ee taariikhda Premier League ee badiyay afartii kulan ee ugu horeysay ee ay marti yihiin.
Bilaw aad u wanaagsan ayay u ahayd nolosha England ninka reer Holland, kaasoo buuxinayay booskii uu baneeyay Jurgen Klopp.
Diogo Jota ayaa dhaliyay goolka kaliya ee ciyaarta ka dhacay Selhurst Park, Reds ayaa sii dheereysatay hogaanka horyaalka Premier League, iyadoo lix guul ay ka heshay todobadii kulan ee ugu horeysay.
Tababarayaasha kale ee badiyay 4-tii kulan ee ugu horeeyay ee martida premier League ayaa kala ah Felipe Scolari oo Chelsea u dhigay rikoodhka, John Gregory oo Aston Villa u dhigay iyo Bobby Gould oo u dhigay Coventry City.
Slot sidoo kale wuxuu noqday tababarihii ugu horreeyay ee Liverpool abid ee badiyay ilaa sagaal ka mid ah 10-kii kulan ee ugu horreeyay ee uu hoggaamiyo kooxda.
