Micah Richards ayaa aaminsan in dhaawaca Rodri uu ka dhigayo tartanka horyaalka Premier League mid aad u ‘isku dheeli tiran’ haatana uu yahay mid 50/50 ah tartanka horyaalka premier League.
Rodri, oo loo arko inuu yahay ciyaaryahanka khadka dhexe ee ugu fiican kubada cagta adduunka, ayaa ku dhaawacmay kulankii ay kooxdiisu bar-baraha 2/2 ah la galeen Arsenal waxana uu garoomada ka maqnaan doonaa inta ka dhiman xilli ciyaareedkan.
“Waxaan lumin doonaa Rodri waqti dheer,” maamulaha City ayaa u sheegay suxufiyiinta shirkiisa jaraa’id ee ciyaarta ka dib”.
Isagoo ka hadlayay The Rest Is Football podcast, daaficii hore ee City Richards wuxuu sheegay inuu gabi ahaanba aad uga naxay dhaawaca xiddiga.
“Waxa aan qabaa in dhaawaca Rodri uu tartanka horyaalka ka dhigayo mid isku dheelitiran marka laga hadlayo fursadaha Arsenal”ayuu sii raaciyay.
“Haatan waxa aan aaminsanahay in 50/50 tahay fursadaha Man City iyo Arsenal ee tartanka premier league”ayuu yidhi.
