Arsenal ayaa 2-1 ku garaacday Manchester United kulan saaxiibtinimo oo ka dhacay dalka Maraykanka.
Goolal ay dhaliyeen Gabriel Jesus iyo Gabriel Martinelli ayaa Gunners kaga filnaa in ay badiyaan.
Jesus ayaa ahaa mid aad u firfircoon intii lagu jiray qeybta hore ee ciyaarta, waxaana uu sameeyay qaab ciyaareed xoogan inkastoo dhaawacyo uu qabay.
“Waxa uu u muuqdaa mid aad u fiican, waxa uu badalay waxyaabo badan intii lagu jiray suuqii xagaaga”ayuu Arteta yidhi.
“Waxa uu gaadhay heerkiisa ugu sareeya mar kale, aad ayaan ugu faraxsanahay in uu mar kale muujiyay tayadiisa”.
