Mikel Arteta ayaa jawaab kulul siiyay Macalinka Manchester City Pep Guardiola ka dib markii Arsenal ay guul lama filaan ah ka gaartay Leicester City sabtidii garoonka Emirates.
Khilaafkii iyi caradii ka dhashay barbarihii 2-2 ee Premier League ee Axadii hore u dhexeeyay kooxaha ayaa sii socday isbuucan oo dhan ka hor inta uusan Guardiola ku dhawaaqin ‘dagaal’ uu la galayo kaaliyihiisi hore ee Arteta intii lagu jiray shirkiisa jaraa’id.
Laakiin tababaraha Gunners Arteta ayaa qaaday talaabooyinkii ugu horeeyay si uu xaalada u dejiyo kadib kulankii ay Arsenal 4-2 kaga badisay Leicester.
“Waan jeclahay Pep,” Arteta ayaa yiri.
“Waan u riyaaqay isaga tan iyo markii aan ahaa 10 sano jir.
Aad ayaan u ixtiraamaa isaga, aad ayaan ugu mahadnaqayaa wax kasta oo uu ii qabtay.
“Waxaan u arkaa inuu yahay saaxiib.
Si kastaba Arteta ayaa dejiyay xaalada cadowtinimo ee sii kordhaysay ee u dhaxeeyay labada nin.
