Mikel Arteta ayaa rumeysan in Arsenal ay ugu dambeyntii u dhaqaaqeyso dhanka saxda ah ka dib guul soo laabasho cajiib ah oo ay 3-1 ka gaareen Leicester.
David Luiz iyo Nicolas Pepe halka gool rigooro ah uu ku darsaday Alexandre Lacazette ciyaar ka dhacday Garoonka King Power Stadium.
Waxay sidoo kale aheyd guushii ugu horeysay ee Arsenal ay ka gaarto koox ka mid ah seddexda ugu sareysa Premier League tan iyo 2015.
“Kooxda si cad ayey u hormareysaa, waxay qaadaysaa jihada aan jeclahay. Waxay ku saabsan tahay joogteyn,” ayuu yiri Arteta, kaasoo awooday inuu nasiyo Bukayo Saka isla markaana keydka ku sii hayo Pierre-Emerick Aubameyang illaa lixda daqiiqo ee ugu dambeysa.
