Mikel Arteta oo shaaciyey liiska ciyaartoydiisa kulanka Adag ee Manchester United

Mikel Arteta ayaa shaaciyey liiska ciyaartoydiisa kulanka fiidka ee Manchester United ay kusoo dhoweyn doonaan garoonka Emirates Stadium, waxaana dhamaantood diyaar ah oo uu soo qaadday xiddigihii Axaddii soo silciyey Tottenham ee lasoo laabtay guusha 2-0 ah iyaga oo waliba marti ahaa.

Arsenal oo 18 ciyaarood oo ay dheeshay guuleystay 15 ka mid ah, mid laga badiyey iyo laba ay barbarro gashay ayaa waxay caawa raadin doontaa guul argoosi ah, sababtoo ah waxay qaabbilayaan Manchester United oo ah kooxda kaliya ee illaa hadda kabadisay.

Bishii September ayay Manchester United saddex dhibcood kaga qaadatay Arsenal kulankoodii Old Trafford, waxaanay hadda yihiin imtixaanka ugu weyn ee sugaya Mikel Arteta, balse haddii ay Gunners guuleystaan waxay hal tallaabo oo kale hore  ugu qaadi doonaan  dhinaca ku guuleysiga horyaalka Premier League.

Gunners ayaa fursad u aragta in uu Manchester United ka maqan yahay kubbad-burburiyaha Brazil ee Casemiro oo ganaax ah, sidoo kalena United ayay ka maqan yihiin Anthony Martial, Diogo Dalot iyo Jadon Sancho, waxaanay taasi culayska ka dejinaysaa Arteta.

Liiska ciyaartoyda Arsenal ee kulanka Manchester United ayaa waxa lagu soo daray, weeraryahanka cusub ee ay Arsenal la saxeexatay toddobaadkan ee Leandro Trossard oo uga soo wareegay Brighton & Hove Albion, kaas oo ay heleen waqti ku filan oo ay ku diiwaangeliyaan ka hor ciyaarta Manchester United.

Arsenal ayuu ka maqan yahay dhaawaca muddada dheer ee Gabriel Jesus, balse waxa usoo laabtay Emile Smith Rowe oo muddo dheer garaoomada ka maqnaa, waxana uu rajaynayaa in uu heli doono waqti qaybta dambe ee ciyaarta haddii ay xilli hore saddexda dhibcood xaqiijisato kooxdiisu.

Liiska xiddigaha Arsenal ee kulanka  Manchester United ee maanta

Goolhayeyaal: Aaron Ramsdale, Matt Turner, Karl Hein.

Difaacyahanno: Ben White, Gabriel Magalhaes, Rob Holding, William Saliba, Kieran Tierney, Oleksandr Zinchenko, Takehiro Tomiyasu, Lino Sousa.

Khadka Dhexe: Granit Xhaka, Thomas Partey, Albert Sambi Lokonga, Martin Odegaard, Fabio Vieira, Matt Smith, Amario Cozier-Duberry, Ethan Nwaneri.

Weerarka: Bukayo Saka, Gabriel Martinelli, Eddie Nketiah, Marquinhos, Emile Smith Rowe, Leandro Trossard.

Wararka Ciyaaraha

Be the first to comment

Leave a Reply

Your email address will not be published.


*